طريقة عمل باتون سالية او شابورة او كعك مالح

مقادير باتون سالية او شابورة او كعك مالح

3 كاسات طحين

3/4 كاسة زيت

3/4 كاسة ماء

معلقة كبيرة سكر ونشا وكمون ناعم وكمون خشن وحبة البركة وزعتر ناشف وسمسم

2 أو 3 معلقة صغار ملح

2 معلقة حليب بودرة وكركم ونشا

بيضة

معلقة كبيرة خميرة وفيكي تستغني عن الخميرة بالبيكنج بودر معلقتين صغار

لتزيين الوجه حسب الرغبة:

بيضة وفانيليا

وحبة البركة او سمسم او زعتر او او كمون

طريقة تحضير باتون سالية او شابورة او كعك مالح

١. بتحطي النواشف مع بعض.

٢. بخلاط بتحطي السكر البيضة والماء والزيت والخميرة اذا بدك تحطي خميرة وبتخلطيهون شوية وبعدها بتحطي السائل فوق الطحين وبتعجني، بتتركيها تترتاح مو اقل من ساعة وبعدها بتبلشي شغل فيها.

٣. بتقطعي العجين قطع وبتاخدي كل قطعة بتفرديها بالشوبك.

٤. بعدها بتقطعي العجينة الي فردتيها طوليا وعلى سلوفان (قصدير) بتحطي العجينة الي قطعتيها طوليا على القصدير.

٥. بالفرشاية بتدهني الوجه بالبيض وبترشي عليها حبة بركة او كمون او سمسم وبالصينية وعلى الفرن على درجة حرارة 150 وبضل تحت المراقبة ليستووا.