طريقة عمل كرات الارز المقليه والمحشوة
مقادير كرات الارز المقليه والمحشوة
2 كوب رز ابيض مغسول جيدا
معلقة ملح وفلفل اسود وعلى حسب الرغبه
كوب جبنة بارميزان
معلقتين كبار زبدة دايبة
بيض عدد 2
منكه اعشاب متل الاوريغانو معلقة ونصف
مقادير الحشوة:
لحمة مفرومة
بصل مفروم ناعم
فطر طازج مقطع شرائح
جزر وبازلاء قطع صغيرة
جبنة بارميزان او شيدر او موزريلا
طريقة تحضير كرات الارز المقليه والمحشوة
١. بنغسل الارز الابيض ويسلق بالماء المغلي وكل كاسة رز تحتاج كاستين ماء وبنترك الارز يغلي وينسلق لحتى تنشف ميتو ويصير طري كتير.،
٢. بنصفي ارز وبنهرسو بهراسة البطاطا او بالمعلقة ليصير متل البطاطا البورية تقريبا وبنحط علية ملح وفلفل.
٣. بس يبرد بنفردو بصينية وبنحط عليه بيضتين مخفوقات منيح ورشة ملح وفلفل وبنحط تقريبا كوب جبنة بارمازان او اي نوع جبنة موزريلا او شيدر ومعلقتين كبار زبدة دايبة وبنخلط الرز مع البيض مع الجبنة وممكن تضيفي اي نوع اعشاب كمنكهات علية متل الاوريغانو او الريحان او الروزماري، وهيك بجهز الرز لحشو.
٤. الحشوة: لحمة مفرومة مع بصل وصنوبر مستويين طبعا او فطر فرش مقطع مكعبات صغيرة مع بصل ومشوحين على النار مع ملح وفلفل او جبنة بارمازان مع بقدونس وفليفلة او خضار مشكلة جزر وبازلا بندبلهم على النار مع شوية سمنة وملح وفلفل وهيك الحشوات الاربعة صارت عنا.
٥. بنحشي الرز المهروس باي حشوة وبنكورها متل الكبة تقريبا وممكن نستخدم صحن في مي باردة لحتى ما تلزق عجينة الرز بايدنا وبنحشي الكرات وبنحطها بالفريزر نص ساعة.
٦. بنقليها بالزيت الحامي بعدين بنخفف درجة النار للوسط وبنكمل قلي الكرات وصحة وهنا.
٧. بالنسبة لعجينة الرز المحشية جبنة بنحط مع الرز نفسة قطع بقدونس صغيرة وفليفلة ملونة وبنخلطهم مع الرز وبنرجع بنحشيها بالفليفلة والبقدونس والجبنة وصحة وهنا.
